بين حلم اللعب للميلان وتمثيل منتخب مصر تعرف علي اللاعب عبد السلام رفيق من خلال كورة ستارز
يعد الإحتراف أولوية للعديد من لاعبينا في الوقت الحالي من أجل إكتساب الخبرات والمشاركة في مستويات متقدمة في اللعبة وهنالك دوافع عديدة لدي عدد من اللاعبين للإحتراف ومن أهمها إثبات الذات، كما تسعي الأندية لتنشئه اللاعبين علي أعلي مستوي من أجل العائد المادي للاعب والنادي ونتعرف من خلال كورة ستارز علي أحد المواهب المصرية المحترفة بتركيا والتي ينتظر منها العديد من التوقعات الأيجابية لمسيرته .
كيف كانت بدايتك في ممارسة كرة القدم ؟
بدأت ممارسة كرة في نادي أسمه نجوم الحضر وبعدها اتبعتلي فاكس عن طريق نادي غازي عنتاب وبدأت فيه مسيرتي الإحترافية.
في أي نادي تلعب حالياً ؟ وما هو طموحك مستقبلاً ؟وما هو مركزك المفضل؟
حالياً أنا لاعب في تركيا وأفضل محطاتي كانت نادي ايرانچيلار التركي كانت نقله ف حياتي من ناحيه كل حاجه، وإن شاء الله في خطوة جايه خارج تركيا قريب جداً وإن شاء الله هتبقي إضافة ليا وهتكسر الدنيا، ونا بلعب باك رايت .
أكيد حظيت بالدعم خلال مسيرتك فيما تمثل ومن له الفضل عليك في مسيرتك؟
أكيد كان فيه دعم كبير من والدي ووالدتي مليش غيرهم ف الدنيا ، هما اللي ساندوني عشان أوصل للي أنا فيه و عايز أقولهم إني من غيرهم و لا حاجه ، و طبعاً مش هنسي عائلتي من عمي الكبير و عمتي ، و أصحابي برضو ليهم فضل كبير عليا دايماً بيدعموني.
وفي مجال الكورة كابتن هشام أشرف ( البرازيلي ) يعتبر أخويا الكبير قبل ما يكون مدربي هو اللي علمني مركزي و كل حاجه،وكابتن أحمد يوسف (چو) فهمني حجات كثيرة كانت غايبه عني و دايماً متابع معايا لحد وقتنا هذا
وكابتن أحمد المصري ده أخويا بجد دايماً موقفني علي رجلي و كلامه جميل و فاهم شغله بجد.
خلال مسيرتك هل حققت إنجازات وفيم تمثلت؟
حصلت علي لقب الدوري التركي الدرجة الثانية مع فريقي و ساهمت ف العديد من الاهداف ،حققت معهم لقب أحسن ناشئ و دخلت مدرسه الموهوبين الخاصه بهم.
أكيد كل واحد منا بيبقا له مثل أعلي في مجالة ومن من اللاعبين تمنيت اللعب معه؟
مثلي الأعلي محلياً كابتن احمد سيد زيزو لاعب الزمالك
وعالمياً ترينت ألكسندر أرنولد لاعب ليفربول الإنجليزي.
ودائماً بتمني اللعب بجانب صلاح و أرنولد ف يوم من الايام و تمثيل منتخب مصر.
وأتمني أتدرب تحت قيادة بيب غوارديولا في يوم من الأيام.
لو لم تكن لاعب كرة قدم ماذا تمنيت أن تكون؟
الحقيقة مفكرتش فيها بصراحه مبعرفش أعمل حاجه غير الكوره بس لو هختار كنت هبقي اخصائي علاج طبيعي.
وكانت تلك تصريحات اللاعب الناشئ عبد السلام رفيق عبد السلام اللاعب المحترف في تركيا والذي يتمني تمثيل منتخب مصر في يوم من الأيام.
تعليقات
إرسال تعليق